1.  Objektif ak filozofi Klèb la

          Klèb Lekti Greska a se yon espas refleksyon, pataj ak aprantisaj kote manm gwoup la rankontre pou yo diskite epi analize tèks syantifik ak literè ki gen rapò ak lengwistik, tradiksyon ak edikasyon.
Li vize :

• • Devlope abitid lekti regilye nan mitan manm yo ;
  • Fòme etidyan ak chèchè nan analiz kritik tèks syantifik ;
  • Ankouraje patisipasyon aktif ak deba entelektyèl ;
  • Kreye yon espas solidarite ak kolaborasyon entelektyèl ;
  • Bati yon kilti rechèch ki chita sou lekti ak refleksyon kolektif.

          Klèb la se tou yon zouti pou prepare manm yo pou kominikasyon syantifik, prezantasyon nan kolòk ak soutnans memwa.

2. Fonksyònman Klèb la

Klèb Lekti Greska a gen règ ak estrikti ki pèmèt li fonksyone ak disiplin.

     a) Frekans ak fòm rankont yo :

• • • Rankont yo fèt chak dènye samdi nan mwa yo, soti 4è pou rive 6è PM.
    • Seyans yo fèt an liy sou platfòm Google Meet.
    • Nan chak seyans, gen yon tèks nou seleksyone alavans pou lekti.

     b) Dewoulman chak seyans :

1. 1. 1. Yon manm prezante tèks la (rezime, tèm, objektif, apwòch).
      2. Diskisyon kolektif sou tèks la (entèpretasyon, kritik, kesyon ouvè).

     c) Rapò seyans lan :
     Nou chwazi yon manm pou fè yon rapò sou dewoulman seyans lan pou pèmèt lòt moun ki pa t ka patisipe nan seyans lan wè kòman sa te pase.

     d) Òganizasyon ak responsab :

• • • Klèb la gen 2 responsab ki jere òganizasyon seyans yo :
      • Gabriella Nissi Jean
      • Patrice Kanndèl Edouard
    • Responsab yo planifye tèks yo, lanse apèl pou lekti, epi kontwole bon fonksyònman klèb la.

     e) Patisipasyon ak disiplin :

• • • Tout manm GRESKA gen dwa patisipe.
    • Manm yo dwe montre respè pandan deba yo

3. Kèk nan tèks nou li deja nan Klèb la

• • • Structuralisme et sciences humaines — Patrick Juignet (2015)
    • La théorie interprétative de la traduction — Marianne Lederer (2016)
    • Le traducteur, le facteur déterminant dans la réexpression du vouloir dire original — Florence Elomba (2013)
    • L’acquisition du langage — Harriet Jisa (2023)

4. Pwojè Klèb la

• • • Kreye yon Bibliyotèk GRESKA ak tèks lekti yo (PDF ak fòma papye).
    • Pibliye ti dosye tematik sou tèks nou li yo (yon fwa pa ane).
    • Òganize Jounen Lekti GRESKA kote manm yo ap prezante yon tèks ki enspire yo.
    • Fè atelye analiz tèks pou etidyan nan lisans yo.